日前(１月26日) 黃洛妍Janees 為懲教署「更生先鋒計劃」青少年音樂劇場《重新啟航GO GO GOAL！》在伊利沙伯體育館演出。
由去年「全港中學公開招募學生演員」開始，一班青春活力嘅學生經過嚴格甄選及一連串訓練同綵排後，終於踏上舞台，佢哋聯同懲教人員，仲有藝人鄭子誠同黃洛妍嘅加持參演，為觀眾帶嚟咗一場精彩嘅演出！音樂劇由 真人真事改編，講述一名青少年受到網絡虛假資訊影響而誤入歧途嘅故事。最後，我哋更特別請嚟劇中主角嘅真身同在場學生互動交流。呢位更生青少年透過分享佢過來人嘅經歷，希望各位學生可以從中反思犯罪帶嚟嘅沉重代價，學識慎思明辨，切勿輕易盡信網絡世界嘅資訊！
