日前 3月3日播出的中年好聲音2 10強戰， 一眾《聲夢》歌手與《中年好聲音2》參賽者合唱。黃洛妍Janees 與大熱參賽者安雅希合唱孫燕姿的《我不難過》 奪92分，並得到當晚ＭＶＰ。
肥媽：我第一個著咗先喇。Janees 將一個人既歌變成咗兩個女仔嘅對話，同埋佢俾嗰個信心佢，我哋係完全feel 到呀。唔講啦夠分呀搞唔掂呀。
張佳添 ：首先我真係想講呀Janees 你係聲夢呢兩年嘅聲音上，歌唱上嘅成長同蛻變，喺今日睇到曬，我我我真係好想比掌聲 你，加上你又瘦咗又靚左。呢隻歌咁高分，我想講有啲似上次雅希同支嚳儀 唱 《如願》 呢，我係唔能夠拆開你地黎比分。因 為我哋 suppose 我睇表演黎比分，但呢件事我拆唔開呀，因為成件事一齊 grow 咗喺度太正。誒開頭開得 ok 啦，因為 孫燕姿嘅歌佢起伏好大好難唱。噉既開頭我覺得not bad not bad，但係當呀 Janees 一去到嗰度嘩，我直情聽到感動呀，跟住我就覺 得呢件事已經係捉咗我入去。跟住雅希呢就慢慢上嚟啦，慢慢上嚟一路去到中間嗰陣時呢，你係有一種遇強越強嘅感覺。噉你 就去到後面嗰種發力同埋兩個人一齊去嗰種呢，一齊去一齊停嗰種空間感。同埋嗰種你直情係個聲音已經籠罩住，喺呢個牆裏 面。噉噉我淨係覺得呢個係已經變咗一件事，裏面你哋嘅感情聲音聲線同埋能量，已經變咗一件事喇，我一路聽到好 touching。
伍仲衡：無可否開頭一半我係有少少失望，可能我太期望。 頭一半啊，好彩你哋喺後半發圍啊，點解仲未有嘢聽嘅咧頭一半，我都諗住 15 嘅啦，哇你哋真係啊如果你咁落去。但係去到中段開始咧，你地開始發圍咧，咁我就聽到啦，呢樣嘢好充分睇到大 家嗰個 chemical reaction，嗰化學作用，因為阿Janees 今次呢佢係幫到安雅希好多，因為呢 E Flat key 丫嘛，哇你有一個高音 係 E Flat 嚟嘅嗰個 Do音好好聽。誒我唔記得邊幾句，你都係和高㗎嘛，而嗰啲高音全部都係好高音。你係黐到阿安雅希咧實 一實， 其實呢樣嘢就係俾我哋評判攞分囉，所以係非常好啊。
周國豐：我分咧未去到 19 啦，有時我都會俾安雅希 19 㗎啦，主要呢第一我同意啊 Ｈenry 所講咧頭個半首咧，因為今日個分 主要俾阿雅希啊， 我係扣左你啲，你今日嘅聲音狀態咧，唔係你最好嘅狀態，Janees 你真係唱得好好。咁嗱另外一個我會扣左啲分既咧就係啦，喺個設定方面啦，今日好啦兩個女仔對呢首歌嘅瞭解咧，係完全冇問題嘅，不過你哋而家個 Role play 咧，就 係 阿 Janees 用咗個朋友嘅身份去勸勉，就係一個失戀嘅安雅希《我不難過》，嗱呢一首歌叫做《我不難過》 但係其實我好難 過。我覺得如果可以再衝上去，再撈多啲分嘅話咧，我覺得嗰個 role play 咧，不如唔好係一個朋友嘅勸佢，你地兩個都係喺情 場上面受傷嘅女仔，兩個不斷咁樣咧就係，兩個昇華地咁樣呢去將嗰一種愛情路上邊嘅痛苦呢，咁樣去標出嚟嘅話咧，我覺得 成件事咧係嚟得更加感動，係啦下次加油啦，不過好高啦 92 分。
陳慧嫻：大家大致上啲評審都講曬我想講嘅嘢㗎喇，噉呀其實我今日我主要個分數，我都係畀Janees 嘅，突然間變咗佢參賽者 添，因為其實呢阿Janees 你其實你兩個人個聲音呢都係有一個化學作用嘅，因為 Janees 係比較 bright啲啦，雅希就係比較沉啦 沙啞少少啦。其實兩個都有兩個唔同嘅，喺呢度撞埋一齊嘅。噉我亦都同意阿周國豐所講呢就係，其實我認為你兩個呢，如果你哋冇講到話你係朋友，其實我覺得你兩個都係一個姊妹，大家喺度 support 住大家嘅嗰一種嘅感覺仲更加好既。興幸既就係雅希你今日就無之前咁沙啞啦，你已經好番啲啦，今日你把聲都唔係太差啦，已經好左好多，你地兩個人一齊既化學作用呢係好好，Janees 你完全無壓力呢，你係成個舞台上面個演出呢，係做到成件事情，完全係感覺到大家好Support 大家個種感覺，就算我唔帶依只耳仔，我覺得更加好聽，因為感覺到兩個真係好好睇依套戲 congratulations。
