Kenny

黃洛妍Janees 於 27/1 – 28/1 為肥媽 面對面紅館演唱會擔任嘉賓，完show 後不足24小時 Janees 又要到二汶校長的音樂學校，出席開放日工作坊活動。 新學年，Tunes Academy已經為新一年準備好全新課程！由Janees黃洛妍主理嘅小提琴課程，仲有有新導師Rita帶領嘅迪士尼歌唱表演班，當然有我地一直用心經營嘅兒童無伴奏清唱班，如果想了解更多，歡迎你黎參加我地學校嘅開放日。 開放日當日，Janees，Rita同眾導師，加上校長二汶，會帶領各位小朋友同家長一齊參加我地嘅工作坊，同大家渡過一個充滿音樂而且快樂嘅下午～ 我地等緊你呀！我地等緊你呀！我地等緊你呀！ 活動詳情🔎日期：2023年1月29日 （星期日）收費：港幣$100 （一位家長加一位小朋友）報名方法：寫低你希望參加嘅課程編號，小朋友姓名及年齡，FB Inbox 或WhatsApp到 98579444 兒童無伴奏清唱A501: 12:00-12:45 (4至5歲小朋友)A502: 1:00-1:45 (6至8歲小朋友) 迪士尼歌唱表演班D501: 2:00 -2:45 (4至5歲小朋友)D502: 3:00-3:45…

黃洛妍Janees 後援會，支持《2023 微笑動力心連心山區助學慈善遠足籌款活動》。平日Janees 熱愛遠足運動，不時見到Janees 行山影相打卡，後援會見到慈善遠足活動，就第一時間報名支持。 Janees 後援會 12/3 遠足活動報名:https://forms.gle/N4sMSxsYgagf2exJA 黃洛妍平時熱愛行山 微笑動力心連心山區助學慈善遠足籌款活動，於3月12日舉行，行程由沙田圍出發，途經水泉澳村，沿馬鞍山郊野公園入口上山，途經沙田坳道到慈雲山。今年大使包括有：鄭麗莎、羅頌欣Debby、邱芷微、黃錦明、傅淖鈴Gaga、陳志忠、劉子儀(可人Kelly)。 出發日期: 2023年3月12日(日)集合時間及地點: 10:00 沙田圍港鐡站D出口解散時間及地點: 約13:00 慈愛苑巴士站 截止報名日期：2023年3月3日(五) www.smile-foundation.org.hk查詢電話: 31053061電郵:[email protected]

《肥媽面對面演唱會》原定在去年三月舉行，但因疫情延至今年農曆新年才演出。為迎合節日氣氛，肥媽的個唱有不少改動，「我將成個rundwon改晒，會有新年氣氛，廣東歌、國語歌、新年歌乜都有，總之就跨年代，大家因為疫情忍咗三年，今次可以玩餐飽！」個唱集合老中青三代歌手，包括李麗霞（黑妹）、馬浚偉、《中年好聲音》參賽者及《聲夢傳奇2》亞軍黃洛妍（Janees）等，Janees更將首度踏上紅館舞台。肥媽睇好Janees這位樂壇新一代，「Janees未報名參加《聲夢2》之前，陳欣健已經介紹佢畀我識，佢真係唱家班，直情係女版側田！」 晴報: 勤力做直播吸20萬粉絲 肥媽圓亡夫遺願做KOL忘憂 憑煮食節目《食平D》系列入屋的肥媽（Maria Cordero），將於本月27、28日假紅館開騷。近年先後經歷丈夫離世、投資股票被騙半億等悲慘遭遇，一向正能量爆燈的肥媽盼以歌聲掃走負面情緒，同時全力發展個人FB同YouTube頻道，「老公臨終前，知我唔捨得會頂唔順，叫我搞社交平台，開直播有贊助、有錢收，家人得閒會捧場同我傾偈，所有唔開心嘢都唔記得晒！」下月踏入69歲的肥媽，甚懂得活在當下的真理。 預告唱《憑著愛》獻老公 然而，與肥媽相處21年的老公Rick於2020年底離世，今次開騷缺少另一半支持，肥媽坦言早已接受。「老公精神與我同在，好多嘢唔完美都要放手，無嘢係永遠，要珍惜以前嘅美好回憶；上次我為Uncle Ray個騷演出，咁啱係老公一周年死忌，我喺台下喊，當時有人叫我醒下！」對於上天搶走Rick，會否覺得不公平？肥媽抱正面心態面對，「我覺得個天對我好好，能夠同老公相處咗20幾年，尤其佢喺臨終前，千叮萬囑叫我繼續搞FB同YouTube，佢知我唔捨得佢，會頂唔順。」 肥媽坦言每次開直播時也能轉移視綫，暫時忘卻思念亡夫的傷痛，而她的YouTube頻道至今已吸引逾20萬追蹤者。「網民好好，會傳私人訊息分享自己嘅問題同我傾，身在世界各地嘅屋企人，有時都會亂入留言、傾下偈；我直播唱歌或煮嘢食，又有贊助有錢收，真係所有唔開心嘢都唔記得晒！」她透露，將在個唱中演繹《憑著愛》悼念亡夫，「以前每次開騷佢都會幫手打鼓，今次會有一個環節紀念佢，我唱《憑著愛》畀佢聽，其實我哋無分開過。（怕不怕屆時淚灑紅館？）唔會，到時有咁多觀眾，因為疫情抑壓咗三年，我衷心希望大家喺紅館開心過一晚！」 踏入2023年，不少歌手陸續開騷，問到可有售票壓力？跑慣江湖的肥媽非常淡定，「我未驚過，好多鍾意我嘅粉絲都有咁上下年紀，一定畀得起錢買飛。」肥媽近年的廚神形象深入民心，會否擔心影響唱歌事業？她說︰「我算係煮出彩虹，又識唱歌又識煮嘢食，有好多粉絲都聽我唱歌長大，所以無擔心過！不過開兩場真係無錢賺，我以前去新加坡、馬來西亞、拉斯維加斯呢啲有賭場嘅地方唱歌先賺到錢，以前每年開幾十場，可惜過去三年因為疫情停晒。」她透露完成個唱後，會「巡迴」各國探望家人，享受親子時光。「我啲仔女喺英國、美國、澳洲各地，仲有一班孫仔、孫女，個個都好需要我去照顧、煮嘢畀佢哋食，嚟緊如果去有親人身處嘅地方登台，我就會收平啲，有得唱歌又有得探親，你話幾開心！」 無視負評珍惜每一天 提到家人，肥媽指早前孫女私下放在社交網的比堅尼性感照遭公開，笑言孫女經一事、長一智。「孫女好嬲，但我同佢講，你擺上雲端已經無晒私隱，人哋喺網上點寫都得，要睇自己心態，所以佢哋唔適合做娛樂圈。」肥媽近年經常成為網絡話題，除了被封為「女MC」外，她早前自爆因信錯朋友，炒燶股票勁蝕半億，卻惹來網民嘲諷她扮慘。談到如何面對網絡負評，她強調會自行過濾，「見到呢啲嘢（負評），梗係唔睇、唔理啦！睇下人哋讚自己嘅評語好過，但依家啲人就係面皮太薄，太在意人哋講乜！」肥媽在娛樂圈打滾近40年，心理質素強大，面對外界的冷嘲熱諷，她只會一笑置之，「每日要過得開心，先對得住自己。」 場地︰ Villa 26 攝影︰Alma 美術︰梁政敏 撰文︰Steven

歌唱比賽真人騷《聲夢傳奇2》雖然已經完滿落幕，但一眾聲夢2的學員人氣仍然高企。今日，冠軍任暟晴(Jasmin)、亞軍黃洛妍(Janees)聯同五強選手趙小婷(Pamela)及十強選手彭家賢(Zayden)到Ocean PopWalk出席【JOY TO THE TOWN除夕午間音樂派對】活動，獻唱多首歌曲以答謝粉絲們的支持，吸引了大批粉絲蜂擁到場應援，活動瞬間變迷你演唱會，氣氛高漲。 活動上，四位嘉賓分享了自己參加《聲夢傳奇2》的點滴及難忘回憶，即使於比賽過程中遇到挫折，亦未曾輕言放棄，更承諾粉絲會繼續努力，希望能有更多作品帶給觀眾。四人更大爆學員間的趣事及奇怪習慣，足見學員們之間感情深厚。為答謝粉絲們一直以來的支持，四人除了獻唱多首動人歌曲外，更落力與粉絲玩遊戲，於台上一展藝術細胞，大騷畫功。另一遊戲環節中，四人更與粉絲聯手腦筋急轉彎大玩計數遊戲，簡單數學題考起一眾聲夢同學，笑料百出，活動於一片溫馨歡騰的氣氛下完滿結束。

黃洛妍Janees 後援會聖誕派對 喬寶寶擔任司儀好攪笑 趙小婷抽中頭獎勁好運 日前 12月27日，黃洛妍Janees 後援會於銅鑼灣一間餐廳舉行聖誕派對，請到聲夢2 Janees的好朋友趙小婷Pamela 出席，攪笑藝人喬寶寶擔任司儀。Janees 與數十名妍究生們唱歌玩遊戲，過了一個愉快的聖誕節。 On.CC https://tinyurl.com/3avsccpr 明報 https://tinyurl.com/yzd5smuc 明周 https://tinyurl.com/2s4kjhxz 文匯報https://tinyurl.com/ymsnrsa5 AM730 https://tinyurl.com/38muzksk HKET(經濟日報) https://tinyurl.com/2n35ezzb Janees 表示，好滿意非常滿意妍究生們為她安排這次聖誕派對，好開心請到Pamela 跟她一同出席。今次算是她最喜歡Top 3的聖誕Party，感受到妍究生對她的愛護，知道妍究生為今次Party 積極準備付出很多，每次覺得妍究生們很辛苦，但同時又很窩心。知道妍究生好想聽她唱《這麼近那麼遠》，因為在踢館賽只唱了頭一句，所以就借今次機會唱全首比大家聽，不過演唱中段時音響出現問題，Janees 即時應變改以清唱完成整首歌曲。問到她除夕要走兩場，將軍澳商場騷及於大嶼山大佛出席《福佑香江 同心邁向2023》倒數活動，她表示不會覺得辛苦，只要有機會演出都會努力把握，很期待同香港管弦樂團合作。另外Janees 還努力練歌，準備1月27至28日肥媽演唱會上擔任嘉賓與肥媽合唱。 Pamela…